.jpg)
ميزان يرتب قصائدي!
(زجل مغربي)
نكتب لكلام والرنة فوداني
ميزان يرتب قصائدي بالتمام
مهووس بالنضيم وندندن
وعقلي سارح، هايم فالتخمام
نتوكل ونزير وثرة اشعاري
هكذا النغمة تكون فلكلام
بالتدندينة الراكبة فالموجة
يزيان البوح وينطق اللسان
تدندينتي هاذي..سفينة سايرة
والراكب يسبح وبحار
ما نخاف ولا ندهش من ريح
نوظف الشراع ونكون ربان
يا الراكب الموجة نوصيك
تقدم.. وكون رزين ولا تخاف
راه بالتقة فالنفس والزعامة
تتخطى لعقابي بمسايسة لمواج
-بقلم: محمد دومو
-مراكش/ المغرب
ليست هناك تعليقات:
إرسال تعليق